"बोलके सूर..."

आपल्याकडे चांगले आरोग्य नसेल तर आपण करत असलेल्या मेहेनतीचा काय फायदा?  आपली बायका-मुलांना एक चांगलं भविष्य द्यायचं असेल तर, फक्त मेहेनत आणि काम करून चालणार नाहीये, तब्येतीकडे लक्ष दिलंच पाहिजे. आणि वेळोवेळी टेस्ट्स करून व्यवस्थित उपचार करून घेतले पाहिजेत.  आपल्या समाजात, आपल्याला असलेल्या एखाद्या शारीरिक आजाराबद्दल "लाज वाटणे" हा खूप कॉमन विषय असतो. आजकाल तरुण मुलामुलींना बी पी, शुगर, स्पॉण्डिलायटिस वगैरे आजार जडू लागलेत, कारण बैठी जीवनशैली, व्यायामाचा आळस, चुकीचे खानपान आणि झोप नीट न घेणे.  आपण म्हणतो की सध्या भारतात तरुण लोकसंख्या जास्त आहे, पण त्याचप्रमाणे हृदयविकाराने अकस्मात जाणाऱ्यांमध्ये पण दुर्दैवाने तरुणचं आहेत. हे भीषण आहे.   आम्हा कलाकारांमध्ये तर ह्या गोष्टीचा फारच विदारक अनुभव दर काही महिन्यांनी समोर येत असतो. आणि मनात विचार येतो की करायचं काय? सामान्यतः कलाकारांमध्ये २-३ प्रकार आहेत. गायक, वादक, अभिनेते - अभिनेत्री वगैरे. सगळ्यांना आपापल्या कामात प्रचंड स्ट्रेस असतो. पण माझ्या पाहण्यात सर्वात जास्त स्ट्रेस हा वादकांना हो...